Þorlákur Þórarinsson 1711–1773
32 LAUSAVÍSUR
Fæddur að Látrum í Grýtubakkasókn í Þingeyjarsýslu, á messudag Þorláks biskups 23. des 1711. Hann ólst upp hjá foreldrum sínum uns hann var 11 ára; var hann þá tekinn til fósturs og menningar af klausturhaldara Hans Scheving og konu hans Guðrúnu Vigfúsdóttir er gengu honum í góðra foreldra stað, settu hann til bóklegra mennta og komu honum 15 vetra gömlum í Hólaskóla. Þaðan var hann eftir 5 vetra dvöl útskrifaður með góðum vitnisburðum. Ári síðar er hann hafði einn um tvítugt, var hann settur af Steini biskupi djákn að Möðruvallaklaustri og MEIRA ↲
Fæddur að Látrum í Grýtubakkasókn í Þingeyjarsýslu, á messudag Þorláks biskups 23. des 1711. Hann ólst upp hjá foreldrum sínum uns hann var 11 ára; var hann þá tekinn til fósturs og menningar af klausturhaldara Hans Scheving og konu hans Guðrúnu Vigfúsdóttir er gengu honum í góðra foreldra stað, settu hann til bóklegra mennta og komu honum 15 vetra gömlum í Hólaskóla. Þaðan var hann eftir 5 vetra dvöl útskrifaður með góðum vitnisburðum. Ári síðar er hann hafði einn um tvítugt, var hann settur af Steini biskupi djákn að Möðruvallaklaustri og gengdi hann því embætti með árvekni í 14 ár. Árið 1745 var honum veitt af amtmanni Pingel Möðruvallaklausturs brauð; var hann þá vígður sunnudag hinn fyrsta í jólaföstu af stiftprófasti Þorleifi Skaftasyni. Þorlákur drukknaði í Hörgá 61 árs að aldri. (Formáli að ljóðmælum og Íslenzkar æviskrár V, bls. 169; Syrpa úr handritum Gísla Konráðssonar I, bls. 293–295; Gríma hin nýja IV, bls. 31–34; Huld I, bls. 37–38; Þjóðsögur Jóns Árnasonar I, bls. 223, III, bls. 20, 434 og 588–589 og V, bls. 463-464; Þjóðsögur Ólafs Davíðssonar II, bls. 111–115; Þjóðsögur Sigfúsar Sigfússonar V, bls. 21–217; Sögusafn Ísafoldar 1891, bls. 217–219). Foreldrar: Þórarinn Þorláksson bóndi á Látrum á Látraströnd og kona hans Þorgerður Eyjólfsdóttir. (Ættir Þingeyinga I, bls. 77).
Ljóðmæli Þorláks voru prentuð og endurskoðuð 1856 og er hann þar tilaður prófastur í Vaðlaþingi.
↑ MINNA