Sigurjón Jónsson í Snæhvammi 1896–1981

Sigurjón var fæddur í Snæhvammi í Breiðdal, sonur Jóns Þórðarsonar bónda í Snæhvammi og Solveigar Ólafsdóttur frá Kömbum í Stöðvarfirði sem þá var vinnukona á bænum. Jón, faðir Sigurjóns, var þá giftur Oddnýju Jónsdóttur frá Dísarstöðum í Breiðdal. Solveig, móðir Sigurjóns, fór fljótlega af bænum og var Sigurjón alinn upp í Snæhvammi hjá föður sínum og konu hans. Sigurjón var um tíma í Menntaskólanum í Reykjavík en hætti þar námi vegna deilna við skólayfirvöld vorið 1920. Sigurjón kvæntist Oddnýju Elínu Vigfúsdóttur frá   MEIRA ↲

Sigurjón var fæddur í Snæhvammi í Breiðdal, sonur Jóns Þórðarsonar bónda í Snæhvammi og Solveigar Ólafsdóttur frá Kömbum í Stöðvarfirði sem þá var vinnukona á bænum. Jón, faðir Sigurjóns, var þá giftur Oddnýju Jónsdóttur frá Dísarstöðum í Breiðdal. Solveig, móðir Sigurjóns, fór fljótlega af bænum og var Sigurjón alinn upp í Snæhvammi hjá föður sínum og konu hans. Sigurjón var um tíma í Menntaskólanum í Reykjavík en hætti þar námi vegna deilna við skólayfirvöld vorið 1920. Sigurjón kvæntist Oddnýju Elínu Vigfúsdóttur frá Eydölum í Breiðdal 1926 og tóku þau hjón að fullu við búskapnum í Snæhvammi 1935 og þar bjó Sigurjón og átti heima til hinsta dags. Sigurjón orti nokkuð í anda nýrómantíkur á skólaárum sínum og í amstri daganna síðar orti hann einnig dálítið þó mjög drægi úr því er á leið. (Sjá: Sólmundur Friðriksson: "Sigurjón Jónsson - skáldið í Snæhvammi." Sigurjón Jónsson. Jörðin kallar á börnin sín. Félag ljóðaunnenda á Austurlandi 2010, bls. 89-143).   ↑ MINNA