Jón Jónsson Skagfirðingur f. 1886

Jón var fæddur á Valabjörgum í Skörðum í Skagafjarðarsýslu 8. janúar 1886 og ólst þar upp til fimmtán ára aldurs. Kona hans var Soffía Jósafatsdóttir frá Krossanesi í Vallhólmi. Þau bjuggu á þessum bæjum í Skagafirði: Holtskoti og Glaumbæ í Seyluhreppi og Ingveldarstöðum á Reykjaströnd. Árið 1941 brugðu þau búi og fluttu að Bessastöðum í Sæmundarhlíð til Sæmundar sonar síns. Konu sína missti Jón árið 1960. Ljóðabók hans, Aringlæður, kom út 1963 en um útgáfu hennar sáu Sigurjón Björnsson og Hannes Pétursson.