Brautarholtstúnið grænkar og grær

Vorið 1939 byrjaði eindæma snemma í Brautarholti á Kjalarnesi en þar bjó þá Ólafur Bjarnason miklu myndar búi. Hóf hann þar slátt fyrstur manna og lá það ekki í þagnargildi. Varð það tilefni þessarar vísu Bjarna og síðar svarvísu Kolbeins úr Kollafirði: Ólafi má það ekki lá.

Vísur þessar urðu allmargar og blönduðu ýmsir sér í þann leik. Voru þær vísur jafnan nefndar „sláttuvísur“.