Kvæða- og vísnasafn Mosfellinga

Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Vöggukvæði

Fyrsta ljóðlína:Hvert örstutt spor
Viðm.ártal:≈ 1950

Skýringar

Ljóðið Vöggukvæði var fyrst flutt í leikriti Halldórs, Silfurtunglinu í Þjóðleikhúsinu árið 1954.
Hvert örstutt spor var auðnuspor með þér,
-hvert andartak er tafðir þú hjá mér
var sólkinsstund og sæludraumur hár,
minn sáttmáli við guð um þúsund ár.

Hvað jafnast á við andardráttinn þinn?
Hve öll sú gleði er fyrr naut hugur minn
er orðin hljómlaus utangátta og tóm
hjá undri að heyra þennan róm,

hjá undri því, að líta lítinn fór
í litlum skóm, og vita að heimsins grjót
svo hart og sárt er honum fjarri enn,
og heimsins ráð sem brugga vondir menn,

já vita eitthvað anda hér á jörð
er ofar standi minni þakkargjörð
í stundareilífð eina sumarnótt.
Ó alheimsljós, ó mynd sem hverfur skjótt.