Kvæða- og vísnasafn Mosfellinga

Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Blái liturinn blánar

Fyrsta ljóðlína:Blái liturinn blánar
Viðm.ártal:≈ 1950
Tímasetning:1956

Skýringar

Lára Skúladóttir samdi ljóðið og flutti síðan í samsæti sem Mosfellingar héldu Halldóri Laxnes til heiðurs í Hlégarði í febrúar 1956. Tilefnið voru Nóbelsverðlaunin sem Halldóri voru veitt í desember 1955.
Blái liturinn blánar
bjartari Íslands fánar
– víkingar fagna í valnum
vorhiminn skín yfir dalnum

Þú lyftir þínu landi
þín list og smitandi andi
hljómar um mesta heiminn
á hábylgjum yfir geiminn

Allir sem landinu unna
og listaverk þín meta kunna
hlýnar um hjartarætur
– en háfjalladrottningin grætur

Gleiðitár hennar glóa
á grundum, holtum og móa
– því Íslandsklukka ómar
um aldaraðir hljómar.