Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Söngvarinn

Fyrsta ljóðlína:Hann var eins og geisli frá guðanna stól
Viðm.ártal:≈ 1925
Tímasetning:1932

Skýringar

Ljóðið birtist fyrst í Lögréttu 1932.
1.
Hann var eins og geisli frá guðanna stól
sem glitrar í svínanna drafi.
Hans rödd var sem vordagsins vermandi sól
og vindblær frá dimmbláu hafi.
Þar heyrðum við óma in himnesku jól
frá heillandi kvöldroðans trafi.
2.
Hann var eins og geisli frá guðanna stól
sem glitrar í mannanna tárum.
Hver tónn hans varð líkn þeim, sem lifandi kól
og lokaði blæðandi sárum.
Hver hljómur varð fátækum skjöldur og skjól
í skipreika á mannlífsins bárum.
3.
Hans líf var sem vonin er vornóttin ól
í vetrarins gróandi sárum.
Hann var eins og ljómi frá logandi sól
á Ijósvakans fjarlægu bárum.
Hann var eins og geisli frá guðanna stól
sem glitrar í mannanna tárum.