Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Otto Wathne

Fyrsta ljóðlína:Þökk þér, Wathne, að þú komst til lands
Viðm.ártal:≈ 1900
Tímasetning:1898

Skýringar

Undir heiti stendur: „1843-1898“
1.
Þökk fyrir, Wathne, að þú komst til lands,
þökk fyrir austræna blæinn;
þjer fylgdi hamingja ins þrekvarða manns,
þú áttir fegursta daginn;
leingi mun bjarminn af brúninni hans
út’ við sæinn.
2.
Fallið er merki þitt, fullhuginn mær,
fræknastur okkar í stríði.
Einn vannstu sigur sem enginn vor fær,
Íslandi verðurðu prýði;
þess vegna ljóma yfir leiði þitt slær
upp frá víði.
3.
Sárt er nú hjartað – og sólin hans er
sigin í hafdjúpið alda,
þar var að leita ef að þér eða vér
þurftum á drenglund að halda;
því hneigir lotning vor líkinu’ hans hér
hinu kalda.
4.
Sjaldan svo frækinn, svo fágætan mann
færðan til grafar vér sáum.
Fár var hér sárara syrgður en hann,
syrgður af háum og lágum.
Hvíldu þá, ættjörð, höfðingja þann,
– einn af fáum.