Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Björnstjerne Björnson

Fyrsta ljóðlína:Þín hirð þekkist, Norðmaður, hvar sem hún fer
Viðm.ártal:≈ 1900
Tímasetning:1902
Flokkur:Afmæliskvæði

Skýringar

Kvæðið birtist fyrst í Arnfirðingi 15. desember 1902. Hér er á tveim stöðum vikið frá þeirri prentun, sjá lesbrigði neðanmáls.
Sent með ávarpi Reykvíkinga á 70 ára afmæli hans, 8. desember 1902.
1.
Þín hirð þekkist, Norðmaður, hvar sem hún fer;
þar herja svo margir og snjallir.
Þeir ganga nú færri með gildari her,
og gullhjálminn þekkjum vér allir.
Vér kenndum þér sönginn um sigur á Storð;
þú sérð, að vér kunnum að geyma.
Í sjálfum oss finnum vér afl þitt og orð,
og Ísland er seint til að gleyma.
2.
Þú komst hér svo fríður og kvaddir svo snjallt;
vérr kendum þig, sönginn og stálið.
Oss fannst sem vér værum í ætt við það allt
og eldgamla norræna málið.
*Þér fylgdi þar sannleikans frækleiki og traust,
oss fanst, að hann kæmi þar sjálfur,
því hann getur einsamall haft þessa raust,
sem heyrist um gjörvallar álfur.
3.
*Já, víst hafa brotist hjer vestur um sæ
þeir voldugu, glampandi hljómar,
og kærst væri að Norðurlönd ættu það æ,
sem öflugast brennir og ljómar.
Vér orkum svo lítið að stækka þann stig,
sem stórmennið öldunum ryður,
nn heyrðum vér Brandes og heyrðum vér þig
og herópið: Sannleiki og friður.
4.
Og þú verður æ með þeim fremstu í för,
sem finna sér aflið í höndum
og láta ekki stöðvast hinn leiftrandi hjör
uns Loki er höggvinn úr böndum.
Sú orrustunótt verður háreyst og hörð.
En hverninn er lika sá dagur:
Úr æginum risin hin iðgræna jörð,
en óbyggður himinn og fagur.


Athugagreinar

Lesbrigði:
2.5 Þér fylgdi þar] Þar fylgdi þér Arnfirðingur 1902.
3.1 Já] Og Arnfirðingur 1902.