Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Tryggvi Gunnarsson

Fyrsta ljóðlína:Þér vaxi, Ísland, vegur, dáð
Bragarháttur:Tvöföld ferskeytla með forlið
o
o
o
o
o
o
o
o
Viðm.ártal:≈ 1925
Tímasetning:1917

Skýringar

Undir heiti stendur: „Við afhjúpun minninsvarða hans í Alþingishúsgarðinum, 12. desember 1917.“
Birtist í Lögréttu þann dag og Morgunblaðinu daginn eftir.
1.
Þér vaxi, Ísland, vegur, dáð!
Þér vaxi táp og menning!
Og eflist, þjóð vor, allt þitt ráð
við ungra tíma kenning!
Og lifi’ og vaxi lof hvers manns,
sem lyftir hug og glæðir,
og elskar mold vors ættarlands
og unga kvisti græðir!
2.
Með heiðri’ og sæmd hjá lands vors lýð
þín lifi minning, Tryggvi!
Og blessist allt þitt strit og stríð,
þú starfsins kappi dyggvi!
Og sendi drottinn djarfa menn
með dug og vilja sterkum
og framtakshuga Fróni enn,
til framhalds þínum verkum.
3.
Og þegar vorið vermir mörk
og vaknar líf í greinum,
og aftur lifna blöð á björk
og blóm í hlé af steinum,
– sem fyrrum enn þau fagni þér
með fyrstu brosum sínum.
Við ævidraum þinn undu hér
i urtagarði þínum.