SöfnÍslenskaÍslenskaPersónuvernd:
Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur eru aðeins notaðar til þess að halda utan um innskráningar þeirra sem annast efnisstjórn. |
Flokkar
Allt (3127)
Afmæliskvæði (14)
Annálskvæði (1)
Ádeilukveðskapur (1)
Ástarljóð (32)
Baráttukvæði (1)
Biblíuljóð (2)
Brúðkaupsljóð (9)
Bæjavísur (2)
Bænir (1)
Bænir og vers (25)
Eddukvæði (30)
Eftirmæli (41)
Ellikvæði (7)
Formannavísur (22)
Fræðsluljóð (3)
Gamankvæði (31)
Grýlukvæði (8)
Harmljóð (3)
Háðkvæði (4)
Hátíðaljóð (6)
Heilræði (10)
Heimsádeilur (8)
Helgikvæði (47)
Hestavísur (1)
Huggunarkvæði (2)
Hyllingarkvæði (2)
Jóðmæli (3)
Jólaljóð (5)
Kappakvæði (5)
Kvæði um biskupa (6)
Leppalúðakvæði (1)
Lífsspeki (5)
Ljóðabréf (18)
Matarvísur (1)
Náttúruljóð (52)
Rímur (204)
Sagnadansar (52)
Sagnakvæði (4)
Sálmar (417)
Sjóhrakningar (2)
Sorgarljóð (1)
Sónarljóð (14)
Særingar (1)
Söguljóð (13)
Tíðavísur (15)
Tregaljóð (6)
Vetrarkvæði (2)
Vikivakar (13)
Vögguljóð (5)
Ýkjukvæði (5)
Þjóðkvæði (1)
Þorrakvæði (4)
Þululjóð (5)
Þulur (2)
Ættjarðarkvæði (54)
Ævikvæði (6)
Ævintýrakvæði (3)
HlýrahljómurFyrsta ljóðlína:Fram skal kippa Berlings bát
Höfundur:Guðbrandur Einarsson
bls.bls. 18–31
Viðm.ártal:≈ 1675
1. Fram skal kippa Berlings bát,fyrst biðja sprundin hæfilát, þó það kosti mæðu og mát eg má þeim ekki neita; heldur gegna vífum vel sem vilja þiggja Sónarpel, gæfuefni gott eg tel ef greiðasemi mér heita.
2. Gott hlotnast af góðum kann,græta má ei hugljúfan; auðnulítill er sá mann sem amar oft hringaskorðum. Dæmum hans eg dreg mig frá og Dvalins ferju staldra hjá ef gæti hin fróma gullhlaðs gná glaðst af kvæðisorðum.
3. Mín þó víst sé mærðin klénog minnst eigi skylt við Kvásers ben vil eg þó ei að fræðafen fari með ljóta ræðu; heldur mæla í meinleyse, mönnum það til gamans sé; ef þungum yrði á þjósti hlé þá er að varpa mæðu.
4. Seggir hljóti sæmdarhagog seljur klæða góðan dag; til skal reynt að tóna brag og toga í dælu stefni. Á gömlum blöðum gat eg séð glósuna sem fer eg með, fellir hún sig við frómra geð ef fylgja ljóðin efni. * * *
5. Bragurinn telur bræður þrjábarnfædda í Evrópá, föður sínum heima hjá með hegðun æruríka; en sem voru um æskuskeið, álma ráður hreppti deyð, sérhver þeirra banginn beið því burt var móðirin líka.
6. Fjórtán vetra fullt ei varfrekastan sá aldur bar; en hinir tólf og tíu þar. Þeir töluðu um hagi sína: Hvort nú skyldi skipta fé í skerfi þrjá, þó lítið sé, og fólk sér kynna framande en fund hvor annars týna;
7. ellegar hitt, að halda búá heimili því sem áttu nú þó vandamikil vogun sú væri ungum sveinum? Miðaldrinn svo mælti þá: „Mínir bræður! hlýðið á orðin þau sem eg vil tjá út af þanka hreinum.
8. Eg fæ þess minnst að faðir minnfögur kenndi oss heilræðin; ályktun og úrskurðinn undan skyldum draga til þess væri vel skoðað vandskiljanlegt það og það; oft kæmi líka úr öðrum stað augljósari saga.
9. Bíða skulum bræður værog brúka allar reglur þær er okkar faðir einka kær oss, örfum sínum, kenndi. Gott ráð eitthvert koma kann ef kvökum uppá skaparann og vörumst allan vanda þann er vekur oft stór bágjendi.
10. Nú meðan sorgarsárin stirðsefast ei né verða byrgð getum vær ekki kænt með kyrrð kosið skástu ráðin; en þegar líður lengra frá léttara mun oss falla þá gæfusamt að geska uppá sem gefa vill herrans náðin.“
11. Hér til svara hinir tveir,hagkvæmt svoddan játa þeir og báðu hann oftar mæla meir fyrst mannvit hefði stærra; fóru svo að iðja ört áður flest hvað sáu gjört, billega ræktu bu[r]stahjört en bernsklegt æfðu færra.
12. Nú leið svo um nokkra tíð,naumast kenndu bræður stríð því sumargæskan björt og blíð bjargræði þeim tærði. Örkuðu sveinar oft á skóg, ýmislegan að fá sér plóg, dáðajurtir og dýrin nóg sem daglegt starf áhrærði.
13. Veiðar sóttu í ýmsa átt;til annarra manna vissu fátt því faðir þeirra flúði brátt frá skurðgoða þjónum með konu, börn og kvikfénað, Krist sér hjálpa og stjórna bað og tók sér byggð á téðum stað hvar tíð útkljáðist hjónum.
14. Einhvern dag, sem innt er frá,enn voru bræður skógi á, en sem linnti iðjustjá allir heim þeir gengu. Hlýrum næsta brá í brún þá bæinn litu og heimatún. Viðtakan, og vond var hún! sem vinnulúnir fengu.
15. Fjórir illskumiklir mennmæta hlýra tóku senn, færðu strax í fjöturenn og fleygðu í útikofa; kváðust mundi að morgni dags miskunnarlaust þá drepa strax, nær beðið hefðu betra lax, búnir að éta og sofa.
16. Reyfarar þessir rétt í staðrosknum höfðu sauð slátrað, húsi og soðning settust að og sinn bæ heita létu. En hinir í böndum biðu þó beiskum kvíða að þeim sló, harmþrungnir um hyggjumó, hátt samt ekki grétu.
17. Allir báðu angraðeræðstan guð að hjálpa sér. Sá hinn elsti um síðir tér svo til hinna beggja: „Hamingjan gæfi að hefðum við héðan vendað strax á skrið þá föður vorn henti fjörtjónið og frómra náð til seggja.“
18. Yngsti bróðirinn ansar snart:„Óljóst er oss nokkurn part hvar dyggðafólkið býr svo bjart sem bætt hefði vor meinin; því faðir okkar fékk svo tjáð að flestallt mengi um þetta láð heiðið væri og dæmt frá dáð og dýrkaði stokk og steininn.“
19. „Betra er flest“, kvað frumgetinn,„en fastur sitja hér bundinn og deyðast þegar dagurinn dreifir skarti sínu. Er minn bróðir orðalaus sem áður flutti spektarraus, glaður í sama sinn eg kaus að sæta tali þínu.“
20. Þá réð ansa hinn þriðji sveinn:„Það sé okkar vegur beinn, drottinn vona uppá einn en engu stórum kvíða. Vilji hann nú vort vernda líf veitast mun þá örugg hlíf og dofna þetta dauðans kíf sem dyggðalausir smíða.
21. Víst má reyna, ef viljið þér,veltast til að herðum mér og bíta í sundur haftið hér sem hauka þrengir láðum, strengurinn því mundi mjór misfarast í tannakór ef gómaskari greitt ósljór gengi á þætti hrjáðum.“
22. Tveir þá veltust einum aðog óspart tuggðu snærisvað. Frá sér gáfu ei fyrri en það fjöturin sundur hrukku. Dáfljót var þá höndin hans af hinum að svipta læðings-fans. Allir svo fyrir utan stans út á skóginn stukku.
23. Þökkuðu sínum drottni dáttdrengir þrír með lyndið kátt fyrir hjálp og frelsið brátt úr fjandmannanna höndum; fengu sér svo fylgsni smá, í fjarlægð komnir bænum frá, skógarins lifðu ávöxt á, fyrst efnum sættu vöndum.
24. Varla þóttust vita núhvert víkja skyldu Hárs um frú svo halda mættu helgri trú en handbjargar þó njóta; hvarms því sallinn komst á kreik, þeir kúrðu undir stórri eik, geðs var rótin gljúp og smeik því griðin sýndust þrjóta.
25. Mána systir glöggt þó glöðgæfi varma ferðahröð, hlýrum skýldu bjarkar blöð blunds þeir langan festu. Miðlungs sveinninn vakna vann víst fyrst einn um tíma þann. Hjá sér lítur hænu hann hlaðna gulli bestu.
26. Fagran glansa fuglinn barfram yfir allar gersemar. Sveinninn vildi snilldar snar snögglega þennan fanga en fjaðranorn sér forðað gat, föst hún ekki lengi sat, kom í með þeim keppnis-pat, þau kreikuðu vegu langa.
27. Laufaviður loks um fróná listafugli missti sjón en það gilti enga bón aftur að finna bræður. Dimmri þoku um drenginn sló, í dauðans kappi hljóp hann þó burðina til þess burtu dró, bölið og lúinn skæður.
28. Villan þótti stór og stæk,hann staðnæmdist hjá einum læk. Þegns var lundin þeigi spræk, þiggja svölun vildi; fékk svo lítinn dúr dottað dauðþreyttur í sama stað; vaknaði aftur þó við það sem þekkti ei glöggt né skildi.
29. Örðugan heyrði einhvern hljóm,ekki líkan mannaróm, halurinn kenndi hljóðin tóm en hvergi neitt atkvæði. Brynjutýr nam tefja í hlé til þess són[n]inn þagnaðe og þenkti um mjög hvað svoddan sé, hann syrgir og fagnar bæði.
30. Fetaði svo með fjallsins hlíðfurðu gætinn nokkra tíð, í fögru rjóðri fann um síð falleg húsakynni. Kurteis bær og kirkja smá kynja fríð stóð velli á. Klerkurinn var að kenna þá kristnum lýð þar inni.
31. Vaktist upp fyrir vopnarjóðað verið hefði klukknahljóð sem hann heyrði á sinni slóð sóninn þann hinn snjalla. Helga messu að heyra þar honum þótti nýjungar; úti stóð sem vonlegt var fyrst vissi ei siðina alla.
32. En um miðja messugjörð*minja gekk út einhver jörð og fann þann unga fleina Njörð svo fáum skiptust orðum. Hafði ei fyrri kappinn kær komist upp á nótur þær að eiga tal við yngismær og auðar gá að skorðum.
33. Meyjan spurði málmabrjóthvort mæddur vildi ei hvíla fót og ganga í kirkju snöggt með snót svo sniðugt fengi sæti. Sveinninn gefur aftur ans, á því mundi verða stans því sinn vondi fantafans sig firri þeirri mæti.
34. Þessi hin unga þorna gnáá þegninn starði og litum brá. Honum segi eg færra frá, en fólk skal meining ráða. Hún hefur kennt í brjósti um beim er bölið leið svo snemma í heim, og barnslundin í báðum þeim borið hyggju þjóða.
35. Kæran ung til kirkju gekk,karskan skildi þar við rekk, móður sína fundið fékk með fagra bæn í hljóði: „Munaðarlausan sá eg svein sem hefur ratað þyngslamein, klæðfár úti kúrir á stein kesjuviðurinn rjóði.
36. Ó! Mín móðir elskulig!ástsamlega bið eg þig að látir þenna mann fyri mig miskunn hjá þér finna og veitir honum velgjörð þá sem volkuðum helst nú liggur á svo dapurleikinn dragist frá og dempist sorgin stinna.“
37. Sú hin eldri seimaslóðsagðan hitti skjómarjóð og mörg þau atvik greiddi góð er grátnum þótti haga. Kvendið bar fram kost og vín, klæðin líka í máta fín, honum svo bauð í húsum sín að hýrast nokkra daga.
38. Þakkar sveinninn þornabilþetta veitt af kærleiksyl, hún kreikar síðan kirkju til en kenning var á þrotum. – Hópurinn kristni fregnað fékk fljótt um sagðan komurekk; flykktist að honum þjóðin þekk þægðar með atlotum.
39. Maðurinn ungi minnishressmælti fram sitt reisuvers, gjörla alls svo gat hann þess gengið hvernig hefði um sína daga og seggi bað sér að hjálpa mest mest um það, að bræðrum leita strax í stað og stórt ei við það tefði.
40. Karlmenn allir keyrðu á hest,klerkurinn líka búinn sést, reið þá hver sem mátti mest, meir en sextán taldir. Þeir sér dreifðu um þykkvan skóg, þyrmdi enginn sinni dróg, leituðu sumir lengra en nóg liðsmenn rétt til valdir.
41. Á þriðja degi; það er skráðþegnar tóku hvíld og náð, sváfu þreyttir svo með dáð en sveinninn vakti hrelldur; heyrði hann brak í skógi skjótt, skyggndist eftir þessu hljótt, þá var dimmt og þoka um nótt, þjarkinu hvað sem veldur.
42. Litlu síðar líta kannhvar loddari nokkur koma vann, stórvaxinn, og stelur hann strax þar tveimur hestum; heppinn þetta höldum las, þeir hýddu af stað með ekkert þras, mjög svo þreyttu ferðaflas í flýti allra mestum.
43. Hvergi litu skemmdarskrjóð,skatnar röktu döggfalls slóð uns þeir komu stór hvar stóð sterkur skáli á velli. En sem rekkar riðu heim risinn kom á móti þeim, hetjur þar með höndum tveim honum leifðu elli.
44. Bragnar kanna byggðir hans,bræður fundu hins unga manns og gersemanna góðan fans; glatt var nú á mengi. Bófinn hafði hlýrum hleypt í hlemma-fylgsni niðurgreypt, þursans áttu að þola heift í þrældóm illa og lengi.
45. Báðu prestinn bræður þrírog burðugan sérhvern vopnatýr að hildarsöngur hefjist nýr við hermda ránsmenn fjóra. Sagði já við bókabör ef brytust ei úr sinni för. Kváðust mundu svinn með svör sveinar hjá honum tóra.
46. Gumnar fundu bræðra bæog brutu hann upp en sagt var: æ! Þau hin vondu hrekkja hræ hrepptu þungar nauðir. Þeim var boðið að taka trú. Til þess sagði einn: „ójú!“ Hinum féll ei siðsemd sú; síðan féllu dauðir.
47. Kappar tóku kvikt og dautt;við kotið skildu tómt og snautt. Síðan var um ævi autt en ýtar héldu að byggðum. Glöddust allir guðs við náð er gaf þeim bræðrum hjálp og ráð, fagran lofsöng fengu tjáð en fólk allt sleppti hryggðum.
48. Þessu mæst til það eitt barþrætumál að uppkom þar. Dómari enginn viss þó var í virða flokki tjáðum; skipuðust um það skástu men skýrslu að gjöra um réttinden; þvílíkt byrjað eins var enn eftir prestsins ráðum.
49. Myrkt og flókið mál það var,mjög vandgæft til úrskurðar, seggjum ekki saman bar sannast hvað þá væri. Miðlungs bróðirinn mannvitsskýr merkti þetta lyndishýr. Hann þenkti um slíkt og þangað snýr nær þótti tækifæri.
50. Greinilega hann görpum kvaðhvað gjöra skyldi um málið það. Maður fann þar enginn að; allir slíku játa. Þá hölknameiður heyrt það fékk heimti hann til sín ungan rekk og batt hann sér við blíðu hlekk í bestum kærleiks máta.
51. Lundur skjóma lærði þáaf letragæti marga skrá, bóklistirnar fljótt nam fá, fallega skilningsbráður. Útlærður svo Ullur brands eignaðist dóttur kennimanns, við kirkjudyr sem kom til hans og kveðið hefi eg um áður.
52. Þeirra samvist þótti góð;það hefi eg frétt af stálarjóð að dómari varð hjá dýrri þjóð og dugnað margan framdi, bræðra sinna bætti hag, byrjaði margan hildar slag, görpum heiðnum gaf ei dag en gott með kristnum samdi.
53. Fjölgaði við það fólkið hansog færðist út um byggðir lands en eyddist þar við illur fans sem engum sætti griðum. Mektugur varð nú málma Þór, mikill lofstír af honum fór, að viti og mannskap varla sljór og vænstu kurteis-siðum.
54. Unni honum ýtasveit,öllum sýndi hann riktugheit, aldrei tryggð og trúskap sleit til síðustu daga og enti líf sitt aldurs hár. Ýtum þrengdi harmur sár þá fluttur var til foldar nár. Fellur þannig saga. — — —
55. Nú hefi eg sagt þér, niptin gulls,nokkurn veginn út til fulls, lífssögu þess laufa Ulls sem löngum framdi dáðir og föðurs ráðum fylgja kaus; fannst því aldrei hjálparlaus þá styrjöldin að garði gaus gáfust aftur náðir.
56. Brátt fáum vér af bragnum séðað bræður hans þess nutu með, það hann sér tamdi gætið geð og guði treysta vildi; en hyggja sumra heims um bý horfir lítið eftir því. Þeir eru með sitt hopp og hí hofmóðugri en skyldi.
57. Öllum mönnum óska eg góðs,orð mín taki ei sér til móðs. Hér skal verða endir óðs því Óðreyr finns mér tómur. Far vel seggur og faldavör! fullsælust þá dvínar fjör. Kýs eg þetta kvæðishrör kallist Hlýrahljómur. |