Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Þingvallasöngur

Fyrsta ljóðlína:Öxar við ána
Viðm.ártal:≈ 1875

Skýringar

Prentað í Fjallkonunni 1885. Viðlagið kunna, „fram fram ...“ er þar með en það er ekki að finna í Ljóðmælum.
1.
Öxar við ána
>Árdags í ljóma
Upp rísi þjóðlið og skipist í sveit.
>Skjótum upp fána,
>Skært lúðrar hljóma,
Skundum á Þingvöll og treystum vor heit.
Viðlag:
Fram, fram, aldrei að víkja
fram, fram, bæði menn og fljóð
tengjumst trygðaböndum
tökum saman höndum
stríðum vinnum vorri þjóð.
2.
Fjallhaukar skaka
>Flugvængi djarfa,
Frána mót ljósinu hvessa þeir sjón;
>Þörf er að vaka,
>Þörf er að starfa
Þjóð, sem að byggir hið ískalda Frón.
3.
Guð gaf oss vígi;
>Grand ógnar lýði, –
Geigvænt er djúpið og bergveggur hár,
>Ódrengskap, lygi,
>Landsvika níði,
Lævísi, tvídrægni hrindum í gjár.
4.
Varinn sé stáli
>Viljinn, og þreytum
Veginn, sem liggur að takmarki beinn,
>Hælumst í máli
>Minnst eða skreytum,
Mál vort er skýlaust og rétturinn hreinn.