Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Kaldahlátur

Fyrsta ljóðlína:Ef þú stýrir einn á haf
Viðm.ártal:≈ 1850
Tímasetning:1851
1.
Ef þú stýrir einn á haf
áralausum báti
og vindinn leggur landi af,
líklegt er þú farir í kaf.
Eg ræð þér ekki’ að forma það af fáti.
2.
Lífsins hef eg lagt í haf
lítið betur staddur,
og það sem innra guð mér gaf,
gæfan, ytra, nísku af
rýrði og því af raunum er eg saddur.
3.
Og þó hlæ eg alltaf samt
undir kvala þunga,
því eg veit að það nær skammt,
að þegja og súpa gallbland rammt
sálina fyrir, sífjöruga og unga.
4.
Kvalir þó að kvelji mig
kveina skal eg ekki,
eymdir þó að örvi sig,
aumur skrokkur! framan í þig
hoppar sál og ber á báða bekki.
5.
Áfram svona alla leið
ætla’ eg því að halda.
Síst mig hrellir nöpur neyð,
nógu verður ferðin greið,
þú mátt til að skunda skeið,
skrokkur minn! um ævidjúpið kalda.