Útboð

Ef að þú ert, Íslendingur,
utan heimalands,
þar sem vofir aðkrepp ánauð
yfir höfði manns,
sú, sem sníður almenn efni
öll til klafa og bands,
og svo fer, þér ævin leiðist
ellilyga-grá:
þorðu í flokkinn fáliðanna
frjálsu, – ef veist um þrjá!

Lát ei hollvild hug þinn deigja:
hættan sé svo bráð!
Ofhræðslunnar vara-vinsemd
verður Lokaráð.
Svara henni og sanna, að það
sé ei geip né háð:
„Þigg ei ráð þitt, vinur! Vit, að
veika trúin mín
svo er rík, hún treystist til að
tapa meiru en þín.“