Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Jón Sigurðsson forseti

Fyrsta ljóðlína:Heilsteiptur, hreinn og beinn
Viðm.ártal:≈ 1900
Tímasetning:1911

Skýringar

Yfirskrift: „Við afhjúpun minnisvarð hans í Reykjavík 10. september 1911“
Ljóðið var prentað í vikuritinu Reykjavík 16. september 1911.
1.
Heilsteyptur, hreinn og beinn,
horskur og prúður sveinn
fyrir þig, Frón,
gekk fram og gildum brá
geiri, þá mest lá á,
kvað: þú skalt frelsi fá!
– fullhuginn Jón.
2.
Hélt svo fram hugumstór.
Heill þinni eiða sór:
Allt fyrir Frón!
Boðandi betri tíð,
brýnandi þjóð í stríð
fram gekk og fylkti lýð
foringinn Jón.
3.
Loks fyrir langvinnt stríð
leið upp hin þráða tíð
fyrir þig, Frón.
Blessa þinn besta mann!
Brautina ruddi hann,
þrautirnar þínar vann,
þjóðhetjan Jón.
4.
Leiðtogi lands vors, hér
liðnum skal færa þér
þúsunda þökk!
Heilsa nú, lýður lands
líkneski afreksmanns!
Ómi’ honum Ísalands
einróma þökk!