Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Flóavísur

Fyrsta ljóðlína:Enn ég horfi yfir Flóann
Viðm.ártal:≈ 2000
Tímasetning:2004
Flokkur:Náttúruljóð

Skýringar

Kvæðið er ort í ágúst 2004.
1.
Enn ég horfi yfir Flóann
og í hljóði vísu syng,
túnið, börðin, mýrar, móann,
mosaþúfur, berjalyng.
Lengst í fjarska sé ég síðan
safírbláan, mikið víðan
fagursveigðan fjallahring.
2.
Hér er mjúkt og gott að ganga,
gata sjaldan upp í mót.
Mjaðarjurt og ilmgrös anga,
allra meina fæst því bót.
Skammt mun þó til hulduheima
hörmulegar sagnir geyma
Heljarstaðir, Hamarsgrjót.
3.
Enginn veit hvað okkar bíður
eða hvar í kvöld mun gist.
Elfur tímans áfram líður,
eflaust margt í burtu flyst.
Fullvíst er samt það, að þó hann
þætti blautur, gamla Flóann
helst ég kýs sem himnavist.