Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Nýja „gleðin“;.

Fyrsta ljóðlína:Jörfagleðin syndum sýrð
Heimild:Fjallkonan
Bragarháttur:Ferskeytt (ferskeytla)
Viðm.ártal:≈ 1900

Skýringar

Þjóðminningardagarnir.
Fjallkonunni hafa borist fréttir og frásagnir, kvæði og ræður frá þjóðminningardögunum í ýmsum sveitum, en það er svo langt mál, að ógemingur er að taka það allt í blöðin.
— Margir eru nú á því að þessar þjóðminningarhátíðir ættu að vera færri og ekki fleiri enn ein eða tvær fyrir hvern landsfjórðung; til þess að gera mönnum sem hægast fyrir, mætti svo halda hátíðina í einum staðnum í hvert skifti.
— Á því munu líka flestir vera, að réttast mundi að halda þessar hátíðir á sunnudaga. Þær geta orðið dýrar, ef þær eru haldnar á virkum dögum um sláttinn; vinnntjón, þeim af þeim getur leitt, getur annars orðið margir tugir þúsunda í krónutali.
Skrifað af ritstjóra Fjallkonunnar: Valdimar Ásmundssyni.
1.
Jörfagleðin syndum sýrð,
sem að fáir prísa,
ætlar nú með undradýrð
endurborin rísa.
2.
Hennar lestir liggja’ í mold,
ljós ei oftar skoða;
hennar kostir fríða fold
falda unaðsroða.
3.
Fegurð hennar fyrst ég leit
fyrir nokkrum tíma,
þá var hátíð hér í sveit;
hennar getur ríma.
4.
Þar var glíma, þar var dans,
þar var söngur, kæti;
þar var pilta og píkna fans,
prédikanir, — læti.
5.
Þar var prísuð alls kyns ást,
einkum þó hjá konum;
eftirtekjan ekki sást,
allir lifa’ í vonum.
6.
Þreyttu klárar þunga raun,
þvita’ og grundir mörðu;
fyrðar upp á fyllstu laun
fótastokkinu börðu.
7.
Þar var stokkið, þar var hlaup,
þar var nóg að drekka;
þar var keppni, þar var raup,
þar var laust við ekka.
8.
Margur óskar eftir því,
að hin hreina kæti
geti einlægt orðið ný,
óbifandi’ í sæti.