Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Rímþjóð

Fyrsta ljóðlína:Mitt land – það var einbúi í hafi
Viðm.ártal:≈ 1950
Fyrirvari:Ath. hefur ekki verið samlesið við frumheimild
1.
Mitt land – það var einbúi í hafi
hins svala og blástirnda norðurs:
þar svarraði úðahvítt brim
við hornbjörg og þrotlausa sanda.
2.
Og þjóð mín var huldan í dalnum
sem starði út í ráðgátu fjarskans
með gaddaðan hvítserk í bak
og logandi hekluna fyrir.
3.
Að sólhvörfum skyggði í álinn
– þá kvað hún sig umlokin myrkri
í sátt við þá gerningahríð
og barðist sem kóngsmann við dauðann.
4.
Í sléttubönd vatnsfelld og stöguð
hún þrautpíndan metnað sinn lagði
í stuðla hún klauf sína þrá
við höfuðstaf gekk hún til sauða.
5.
Því rýrari verður í aski
því dýrari háttur á tungu:
við neistann frá eddunnar glóð
hún smíðaði lykil úr hlekknum.
6.
Loks opnaðist veröldin mikla
og huldan steig frjáls út úr dalnum
– þá sökk hennar rím eins og steinn
með okinu niður í hafið.