Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Úr dagbók – Haugbúinn

Fyrsta ljóðlína:Hetju-önd stóð haugi á
Heimild:Gísli Brynjúlfsson: Ljóðmæli bls.372–373
Viðm.ártal:≈ 1850
Tímasetning:1846–1847
1.
Hetju-önd stóð haugi á,
horfði yfir land og sjá,
fögur blóm og græna grund,
grét svo þar um eina stund:
2.
„Æska mín og elli hér
áður leið í barmi mér,
enginn vissi af því þó,
innst í hjarta sorgin bjó.“
3.
„Stúrinn æ eg starði á
stjörnurnar á lofti blá,
ei mér greru ástablóm,
auð mér þótti jörð og tóm.“
4.
„Afl eg hafði í örmum nóg
og í haga kraftur bjó,
en af harmi oft þó mjög
æskti’ eg mér í dimma gröf.“
5.
„Nú er ligg eg lík í mold,
lifa’ eg bildi á grænni fold
og því bana æski sér
enginn. Fagurt lífíð er.“
6.
Burtu hetjan horfði þá,
hrundu tár úr auga blá,
inn í hauginn aftur hann
opinn fór, sem lykjast vann.