Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Eymdaróður (sem sumir kalla Vanþakklæti)

Fyrsta ljóðlína:Margföld myndast þankabrotin
Heimild:Sunnanfari
Viðm.ártal:≈ 1825–1850
Tímasetning:1838
Flokkur:Ellikvæði

Skýringar

Ort síðasta árið er skáldið lifði.
1.
Margföld myndast þankabrotin,
>merkja lætur sig
tíð köld; trufla heilsu notin
>tök og sina rig;
veröld, vinum dægileg,
hvernig ertu orðin
>ógeðfelld við mig?
2.
Mig þú mettir forðum daga
>munað gjálífis;
stund sú stofnuð var til baga:
>starði fjör á glys;
hlýt nú hvert af öðru slys,
því er á mér orðið
>ekki spannar ris.
3.
Mín ár myglu svipuð grotni,
>merkja lætur eitt:
ker, skiár, kistur, pottar brotni;
>kaffi get ei veitt,
víntár, tóbak eða neitt;
rifna fornar flíkur,
>fæða gefst óbreytt.
4.
Fátt mér farsælt þinnar eigu
>fyrirhugað var;
seld er svuntu stærð á leigu
>svía turnmeyjar;
skortir skímu yndis þar
í húsgangs hurðarlausu
>holi Völundar.
5.
Kæla, kaföld, útsynningar,
>krapa-élin grá,
bræla, brok og landnyrðingar
>bitils ketti þjá,
sæla siglir garði hjá,
nytlaus bröltir belja
>básnum mögur á.
6.
Þorri þrýstir fönn að skjánum,
>þynnast heyin vor,
Norri nemur sál úr ánum,
>nýta krummar gor,
dorri dreginn upp í bor
mun, ef nein ei geta
>magnast lukku spor.
7.
Alt gýs inn um kofagreyin,
>öfugt snúa þeir,
skyr frýs, skortir mjólkurteiginn,
>skelf eg eins og reyr:
vatn ís; verður gull að eir,
ef konan köld að nafla
>í kokkhúsinu deyr.
8.
Þó ár fá í mér golan tolli
>ekki reiknast bót;
hár grá hlýja lítið kolli,
>hremming sú er ljót;
brár á blinir eingin snót;
verstur vesalinga
>vina forðast mót.
9.
Eg mun sæmri kjörum sinna,
>sigra værðar tafn,
umbun öðlast þrauta minna
>örn á steini jafn,
að grun eins og krumpinn hrafn
reka feigur fætur
>í forlaganna stafn.


Athugagreinar

7.5 orðmyndin ís er sagnorð; vatnið ís; það leggur.