Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Þar sem háir hólar

Fyrsta ljóðlína:Þar sem háir hólar
Viðm.ártal:≈ 1850
Tímasetning:1844-45

Skýringar

Þetta ljóðabrot mun samið á árunum 1844–1845 og er varðveitt í Árnastofnun í handritasafni Konráðs Gíslasonar (KG 31 a II). Það var fyrst prentað í: Ljóðmæli eptir Jónas Hallgrímsson. B. Pjetursson og K. Gíslason hafa sjeð um prentunina. Khöfn 1847 undir fyrirsögninni: „Brot“.
Það var einnig prentað í: Rit eftir Jónas Hallgrímsson I (Ljóðmæli, smásögur og fleira). Rvík 1929. [Heildarútgáfa á verkum Jónasar í umsjón Matthíasar Þórðarsonar þjóðminjavarðar í 5 bindum sem kom út í Rvík á árunum 1929–1937]. Þar var það prentað undir fyrirsögninni: „Í Öxnadal“.
Þar sem háir hólar
hálfan dalinn fylla,
þar sem hamrahilla
hlær við skini sólar
árla fyrir óttu
enn þá meðan nóttu
grundin góða ber
græn í faðmi sér