Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Íslands minni

Fyrsta ljóðlína:Ísland ögrum skorið
Viðm.ártal:≈ 1750
Ísland ögrum skorið
eg vil nefna þig,
sem á brjóstum borið
og blessað hefur mig
fyrir skikkun skaparans;
vertu blessað, blessi þig
blessað nafnið hans.

Gleymt ég get þér aldrei,
göfugt föðurland,
þótt í þykkju kaldri
þetta tryggðarband
fyrnast taki fyrir mér,
vanmátturinn veldur því,
ég vil samt fylgja þér.

Uppá það að enda
eg drekk þína skál;
guð oss láti lenda,
lífs nær endast mál,
himnum á fyrir herrans vörð.
Unnum, þjónum þangað til
þessari fósturjörð.

Ísland ögrum skorið
eg vil nefna þig,
sem á brjóstum borið
og blessað hefur mig
fyrir skikkun skaparans;
vertu blessað, blessi þig
blessað nafnið hans.