Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Skemmumeyjasöngur

Fyrsta ljóðlína:Dettur nótt og döggvast steinn
Þýðandi:Geir Kristjánsson
Viðm.ártal:≈ 1975
1.
Dettur nótt og döggvast steinn,
dröfnina vindar kaldir spora.
Ferðalúni farandsveinn,
fríður gistu skemmu vora.
2.
Þar er óttan yndisstund,
alla daga svall og gaman.
Kom og lát oss kætast saman,
kom, minn dýri, á vorn fund.
3.
Þig skulu meyjar leiða í lund
lokkaprúðar, margar saman,
Kom og þigg vort kossagaman,
kom, minn dýri, á vorn fund.
4.
Kvaddur skaltu og meyjar mund
morgunroða í skál þér bera.
Kom, hér mun þér kært að vera,
kom, minn dýri, á vorn fund.
5.
Dettur nótt og döggvast steinn,
dröfnina vindar kaldir spora.
Ferðalúni farandsveinn,
fríður gistu skemmu vora.