Strætisvagnarnir hafa þagnað

Ljósið á dagsins kolu er dautt að baki,
dauft er það fólk sem ennþá sést á gangi,
dúfurnar sofa ljúft hjá lágu þaki,
löngu eru smiðir hættir sínu bangi,

rafljósaskímur glampa úr stöku glugga,
garðar og stéttir næturregni fagna.
Einhver er nær sem búinn er að brugga
banaráð oss. Og nóttin er að magna

öfl næsta dags. Og enginn bíður núna
örlaga sinna á stöðvum strætisvagna.