Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Til ungmeyjar

Fyrsta ljóðlína:Goðum líkur þætti mér sá, er sæti
Höfundur:Saffó (Sappho)
Viðm.ártal:≈ 1950
Flokkur:Ástarljóð

Skýringar

Þessi þýðing birtist áður í bók Helga, Undir haustfjöllum árið 1960, og er engin breyting á henni hér frá því sem þar var. – Helgi rímar hér ljóðið eins og Grímur Thomsen gerir en slíkt tíðkaðist ekki í frumgerð Saffóarháttar á grísku.
1.
Goðum líkur þætti mér sá, er sæti
sælar stundir andspænis þér, og gæti
hlustað á, hve milt þér af munni líður
málrómur þýður
2.
og þinn gleðihlátur, sem löngum laðar
leynda þrá, svo hjarta mitt bærist hraðar;
ef ég lít í svip, hvar þú fimum fæti
fetar um stræti,
3.
fatast mér að mæla, ég stari í hljóði,
mjúkur logi flýgur mér ört í blóði,
líkt og brimgný þungan ég þykist heyra
þjóta við eyra,
4.
og ég titra svo sem ég kvíða kenni,
kaldur þvali sprettur mér fram á enni;
einsog strá ég fölna, sem framaf stalli
feigðin mig kalli.