Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Kvöldljóð

Fyrsta ljóðlína:Horfinn er dagur / og húma tekur
Höfundur:Gunnar S. Hafdal
Bragarháttur:Fornyrðislag
Viðm.ártal:≈ 1950
Flokkur:Náttúruljóð
1.
Horfinn er dagur
og húma tekur.
Gengin að viði
er glóey skær.
Draumblæja liggur
um laut og hæðir.
Döggin vætir
dala brár.
2.
Hljótt er í lundi,
hvílir þar friður
yfir blikandi
bjarkafjöld.
Litfríðar jurtir
loka augum,
blómin sælu
blunda vært.
3.
Fugla í dölum
dreymir í runnum.
Blævindar sofa,
blakta ei lauf.
Lognslétt er hafið
himinvíða. –
Kvöldið er þrungið
kyrrð og ró.
4.
Á bláum vötnum
bærist ei alda.
Elfur og lækir
lægja nið. –
Friðsæl náttúran
faðmi vefur
allt og að hjarta
sér hneigir rótt.