Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Tómas Sæmundsson

Fyrsta ljóðlína:Þau forlög hefur Ísland átt
Heimild:Gísli Thorarensen: Ljóðmæli bls.13–14
Bragarháttur:Sex línur (tvíliður) ferkvætt aBaBcc
(o)
(o)
(o)
(o)
(o)
(o)
Viðm.ártal:≈ 1850
Tímasetning:1841

Skýringar

Kristján Eiríksson bjó til skjábirtingar.
1.
Þau forlög hefur Ísland átt
allt síðan fyrst það byggjast náði,
á bak þeim hefur horfa mátt
er hyggja vildu að landsins ráði,
það hefur átt margan mætan son
en misst hann þegar síst var von.
2.
Það sá þig, Tómas, hvílu í
halla þér dags að miðju skeiði;
það býr stálhjarta í brjósti því
sem bragðhresst fer hjá þínu leiði
og mynnist að fagur-byrjuð braut
við banasæng þína endi hlaut.
3.
En þú, sem um dauðra reikar reit
og rifjar fyrir þér missi harða,
vit: hann, hvers lát nú syrgir sveit,
sér hefur reistan minnisvarða
sem þeirra mun skyggja þúfur á
sem þemba nú hans moldum hjá.
(1/5 1841)