Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Draumur Salómons

Fyrsta ljóðlína:Salómon í sinni höll
Höfundur:Valdimar Briem
Heimild:Valdimar Briem: Biblíuljóð bls.247–250
Viðm.ártal:≈ 1900
Tímasetning:1885-1890
1.
Salómon í sinni höll
>sat með veg.
Kringum hann sat hirðin öll
>heiðarleg.
Dóma sina dæmdi þar
>Davíðs son;
veitti fólki sínu svar
>Salómon.
2.
Komu fyrir konunginn
>konur tvær;
báru þar fram boðskap sinn
>báðar þær;
báru konungs borði að
>barn eitt smátt;
báðar eiga þóttust það,
>þrættu hátt.
3.
Önnur svo við konung kvað:
„Konan hin
hefur býsna illt hafst að,
>ókindin.
Hún tók blessað barnið mitt
>burt mjér frá;
barn í staðinn setti sitt.
>Svo stóð á:“
4.
„Báðar sama bústaðinn
>byggðum við;
höfðu báðar soninn sinn
>sér við hlið.
Mitt var barn sem blómstur nett
>bjart og rjótt;
hinnar barn var grátt og grett,
>geysiljótt.
5.
„Einu sinni að svo bar
>eina nótt,
er við sváfum saman þar
>sætt og rótt,
að hún marði soninn sinn
>sér við hlið,
aftur tók svo ungann minn
>óhræsið.“
6.
„Ég í fasta svefni svaf,
>sá ei neitt,
vissi þessu ekkert af, –
>eg var þreytt. –
Þegar lýsti lík ég sá
>liggja’ á barm
aftur son minn hinni hjá
hvíla’ á arm.“
7.
Hin tók fram í-hvassorð þá:
>„Hvaða bull!
Minn er son sem má hér sjá
>mesta gull.
Þú átt ekki þetta barn,
>það er frá;
ég á það, en þitt var skarn,
>þursinn sá.“
8.
„Ég á barnið. „Sei, sei, sei.“
>„Svei mér þá.“
„Víst á ég það.“ „Nei, nei, nei.“
>„Nei.“ „Jú.“ „Á?“
Þannig háðu þernurnar
>þessa hríð;
báðar lengi þrættu þar.
>Þvílíkt stríð!
9.
Leiddist kóngi þetta þóf,
>þreif hann sverð;
brýndi raust og ræðu hóf:
>„Ráða’ eg verð.“
„Höggvið barn í hluti tvo,“
>hilmir kvað;
„fáið hvorri helming svo.
>Heyrið það!“
10.
Önnur konan klökkna vann
>kóngs við orð,
mælti: „Grefið hinni hann!
>Hitt er morð.“
Konungs dómi kvendið hitt
>kunna lést:
„Það sé hvorki þitt né mitt!
>Það er best.“
11.
„Móðurástin,“ kóngur kvað,
>„kennir ljóst
hvor á barnið. Þú fær það
>þér á brjóst!“ –
Gjörði allur Ísrael
>að því róm.
Speki guðs þeir vissu vel
>var í dóm.