Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Rustasneið

Fyrsta ljóðlína:Farvel Leirgerður, drambsöm drilla
Bragarháttur:Sex línur (tvíliður) ferkvætt AbAbcc
(o)
(o)
(o)
(o)
(o)
(o)
Viðm.ártal:≈ 1800
Flokkur:Háðkvæði

Skýringar

Í útgáfunni fylgja eftirfarandi skýringar:
„Séra Jón Þorláksson kvað þetta til prentsmiðjunnar á Leirárgörðum og forstjóra hennar, þegar hann sá að sálmum þeim sem hann hafði sent til messusöngsbókarinnar hafði verið breytt að honum forspurðum, og er svo fyrir mælt að syngja skuli vísur þessar með sama lagi og 64ða sálm í messusöngbókinni; þær eru teknar hér eftir fimm handritum, og er eitt afskrift af eiginhandar-riti.“
Rustasneið
1.
Farvel, Leirgerður, drambsöm drylla,
drottnunargjörn og öfundsjúk!
Þú skalt ei fleiru frá mér spilla,
freyddu sem best af þínum kúk!
Heyrðu hvað nett eg seinast syng:
Svei þinni hrakdóms-uppfræðing!
2.
Skáldskapur þinn er skothent klúður
skakksettum höfuðstöfum með,
víðast hvar stendur vættar-hnúður
valinn í fleyg sem rífur tréð.
Eitt rekur sig á annars horn
eins og graðpening hendir vorn.
3.
Oftlega millum orða tveggja
opna hljóðstafir djúpa gjá.
Ef þú nú færir eins og Sleggja,
annað skaðræðiströllið frá,
og sykkir niður sjálf á kaf
sálm mætti gjöra þar út af.
4.
Hann væri nettast sunginn svona:
Sjá hversu angra eymdin fer!
Hún sökk – var kátlega sköpt kona –
harðkjaftur þeg! Slíkt undrast gjör!
Allt framstykkið var aftan á!
Datt öfugt – ó tjón – hryggjumst! dó!
5.
Þú mátt nú sjá í þessum spegli
þína skáldskapar réttu mynd.
Súptu betur á Sigtýs legli
og sogaðu ekki í þig vind!
Það kann að gjöra rembings raun,
ropana meiri og illan daun!