Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Eftir barn

Fyrsta ljóðlína:Hve gerði hann þó lífið ljúft og nýtt
Höfundur:Einar H. Kvaran
Heimild:Einar H. Kvaran: Ljóð bls.106
Bragarháttur:Fimm línur (tvíliður+) fer- og þríkvætt:aBaaB
(o)
(o)
(o)
(o)
(o)
Viðm.ártal:≈ 1900
Flokkur:Eftirmæli
1.
Hve gerði hann þó lífið ljúft og nýtt.
Hve ljós var og yndisleg bráin.
Hvað hjalið hans veika var huggandi blítt.
Hve hýrt var augað og brosið þýtt –.
Og nú er hann – nú er hann dáinn.
2.
Það góða, sem hjá mér visnað var,
af vindinum feykt út í bláinn,
það hugði ég gæti ég gróðursett þar
svo geymdist það – kannske til eilífðar –.
Og nú er hann – nú er hann dáinn.
3.
Já, svona fór það; hér sit eg og kveð
um sorg mína og horfi út í bláinn,
en sé ekki neitt er mitt særða geð
og söknuð eg fái læknað með
því nú er hann – nú er hann dáinn.