Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Formannavísur við Drangey vorið 1820

Fyrsta ljóðlína:Út skal leiða á Fjalars far
Heimild:Hsk 111 8vo
Viðm.ártal:≈ 1825
Tímasetning:1820
Flokkur:Formannavísur

Skýringar

Ekki er alveg víst að Gisli Konráðsson sé höfundur þótt telja megi það stappa nærri vissu.
1.
Út skal leiða á fjalars far
formenn þá sem núna
fleyta skeiðum fram á mar
fugls að veiðum Drangeyjar.
2.
Átján hundruð árin þá
og tuttugu betur
lausnar stundum liðin frá
letrin grunda bókum á.
3.
Fugls að vígum fullvel kann
frá Hofsósi Pálmi,
bjargið sígur hátt í hann
hvar að flýgur langvían.
4.
Sama staðar Jónsson Jón
Jakob kaupmann fyrir
víkur hraður vogs með ljón
við hugaður báru són.
5.
Kaupm[anns]arfa fríðum frá
finnst þar kundur Bjarna,
Jón hinn djarfi dröfn að sjá
dýrum karfa rangar á.
6.
Flóða tjald við fugla tjón
fyrir stýrir Pálma
Guðmunds aldinn arfi Jón
útum kalda lýra frón.
7.
Bjarna prúður burinn frá
Bæ er talin fjórði,
hrygg þó áður hringi blá
hirti súða Kolbeinn á.
8.
Garpur þolinn geymir fjör
gamli Jón frá Brekku
rán þó holi rokna vör
rastar fola temur för.
9.
En Ljótsstöðum er Jón frá
arfi Þorkels bóndi
fram á tröðum báru blá
bauga höðum stýrir sá.
10.
Því næst ráða Þorleif kann
þessi Stefáns mögur,
frá Mannskaðahóli hann
hryssu vaðar ferðum ann.
11.
Þangað flyst sem aflinn er
Erlendur frá Vatni
kjölinn víst, það lukkan lér,
lætur rista bláan ver.
12.
Verkagjörnum sýnir sog
seggjum hlíðar-Sléttu,
Jón á Tjörnum etur og
ára björn að söltum vog.
13.
Stefán knör á þektur þar
Þorbergsson frá Grindum
gjarn að för þó glæmeyjar
geifli vörum löðraðar.
14.
Valdar rákir flyðru fróns
frá Óslandi heldur
nú Þorlákur niður Jóns
neglu snák til fugla tjóns.
15.
En við rólar áraglamm
aldinn Sigurðs niðji,
rostungsból um rennir fram
Rafn á Hólum kjalargamm.
16.
Flóði þar á formaður
frá er Brekkukoti,
eins Þórarinn Ásgrímsbur
amlar fari stjórnsamur.
17.
Geddu ála gjarn að rás
gnoð að stjórna sinni
þarans hála þrykkja bás
Þönglaskála Nikulás.
18.
Fugli kringir finna hel,
formenn teljast aðrir,
rétt um slyngir rostungsmel,
Reykstrendinga þessa tel.
19.
Drafnar jarðar ötull á
otur- leiðir - húna
opt um harður ægan sjá
er Guðvarður Reykjum frá.
20.
Kristján alinn Ólafi
Ingveldar - frá - stöðum
rán þó gali rjúkandi
róðrarval á stjórnari.
21.
Bólmar klungurs færir far
Fagraness úr vörum
Sveinn í Tungu sem á mar
syndir lungi marvallar.
22.
Stjórn í orðu seggir sjá
Sveins á Veðramóti
dröfn þá borðum dynur á
drakon skorðu stýrir sá.
23.
Glæsibæjar bóndinn er
borinn Jón af Oddi,
útum sæinn aflar hér
upp þó gægist rán á sker.
24.
Þrjá af Skaga þessa kveð:
þegninn Skefilstaða,
Sigurður slagar sels um beð
sílis haga jórinn með.
25.
Fram úr vörum hömlu hreinn
hryndist, þessum ræður
í brimfjörum ekki seinn
Auðuns bör á Hóli Sveinn.
26.
Síð´st um getur Guðmundur,
gnoðar umsjón hefur,
ölduflet um örðugur
er frá Ketu Gunnarsbur.
27.
Helst til góða haldið mér
hróðrar flýtis smíði
drykkju löst sem lóðins ber*
lagi fróðu skáldin hér.
Endir