Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Adam og Eva

Fyrsta ljóðlína:Eigi var þeim báðum
Heimild:Skólaljóð bls.26–27
Bragarháttur:Fornyrðislag
Viðm.ártal:≈ 1775
Fyrirvari:Eftir að bera saman við frumheimild
1.
Eigi var þeim báðum
einn veg háttað,
sýndist hvort um sig
í sinn legg vera,
hann til hárra gjörr
hugleiðinga
og stórra starfa
fyrir styrkleik sinn.
2.
En hún til yndis
og unaðsemdar,
hæverskra hátta
og til hæglætis.
Guðdóm sjálfur sinn
í sér hann bar,
hún sinn í honum
handa Guði.
3.
Breitt og frítt enni
brúnum yfir
og hátt sjónarsvið
sýndi gjörla
herradæmi hans
yfir hvívetna.
4.
Kringum hvirfil hans
karlmannlega
héngu hárlokkar
hrokknir, þykkvir,
jafnt að skildir
og jarpir á lit,
náðu þeir ei breiðun
neðar herðum.
5.
Mjóu gulllegur
að mitti niður
haddur hrundi vífs,
sem hulda væri,
liðaðist í öldur
yndislegar,
laus og sjálfkrafa
án listar neinnar,
eins og vel vaxinn
víntrés baðmur.