Bókin segir

Hafir þú lyst að lofa guð
með ljúfu hjartans geði,
ef elskar þú hans orð og boð
af allri ást og gleði,

forsóma þú ekki, maður, mig,
mér sást þú ei aðra líka.
En þó nokkur eggi þig
að akta ei ræðu slíka

lærdóm guðs eg ljúfan þér
og lofgjörð kenni sæta.
Blíð er einninn bæn í mér
sem böl þitt kann að bæta.

Þakkargjörðin þar með mæt
þegar gengur þér að vilja
og huggun sálar harla sæt
þá hér við skaltu skilja.