Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Einn annar lofsöngur

Fyrsta ljóðlína:Af Adam er um allan tíð
Heimild:Sálmabók Guðbrands (1589) bls.Bl. 2r–v
Bragarháttur:Hymnalag
(o)
(o)
(o)
(o)
Viðm.ártal:≈ 1575–1600
Flokkur:Sálmar
með sama lag
1.
Af Adam er um allan tíð
á voru holdi bölvan stríð.
Til dauða sál og andi er sár,
saklaust ekkert á manni var.
2.
Oss hafði fangað ógnaneyð,
yfir oss ríkti synd og deyð.
Í fordæmingu féllum vér,
fannst engin bót hjá nökkrum hér.
3.
Þá leit Guð yfir allt kyn manns,
ef nökkur gjörði vilja hans.
Hann vildi einn sér hollan fá,
holdlega menn alleina sá.
4.
Því að líf og sannlegt sakleysi,
sæmd og uppruna réttlæti
í Adam höfðum allir misst,
af hverjum komnir vorum víst.
5.
Þá hann so leiða löstu fann,
lækning öngva né hjálparmann,
á sína stóru elsku leit,
að öll héldist hans fyrirheit.
6.
Mælti: Eg vil miskunna þeim,
minn son útgefa fyrir heim,
að heill þeirra og hjálpare,
huggun og sálar lækning sé!
7.
Abraham og afkvæmi hans
og Davíð sór þann eið til sanns,
þann son hét að senda þeim
sem leysti allan lýð um heim.
8.
Spámönnum var sú vitran gjörð,
víða út breiddust þeirra orð.
Fjölda kónga og fróman lýð
fýsti þar eftir langa tíð.
9.
Líkamliga sem lýsti þá,
líka þó hann ei mættu sjá.
Þá trú höfðu þó í hjarta traust,
hann mundi frelsa þá efalaust.
10.
Sem komið var þeim aldri að,
af hverjum Jakob hafði spáð:
Davíðs ættmanni einum þá
er trúlofuð mey *Máríá.
11.
Af hennar meydóms hreinu blóði
himneska Guðs krafturinn góði
skóp barn helgasta heimi í.
Hjálp, náð og miskunn er hjá því.
12.
Ó, Jesú, lífs ávöxtur hreinn,
án synda ert þú getinn einn.
Veittu oss blessan, heill og hlíf,
himneska dýrð og eilíft líf.