Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Guðspjallasálmar Einars í Eydölum 7

Sama evangelíum

GUÐSPJALLASÁLMAR EINARS Í EYDÖLUM
Fyrsta ljóðlína:Í upphafi var það orðið ljúfa,
Bragarháttur:Hrynhent
Viðm.ártal:≈ 1600
Flokkur:Sálmar

Skýringar

Sama evangelíum
(Jóh. 1.1-18)
Með Liljulag
1.
Í upphafi var það orðið ljúfa,
það orð hjá Guði í dýrð var forðum.
Það orð var Guð sem gjörvallt gjörði,
gjörðist bæði á himni og jörðu.
2.
Það var eilíft, æðra sólu,
æ hjá Guði sem trú má nægja.
Án þess gjörðist ekki raunar,
alla daga, hvað gott má kallast.
3.
Í því var líf og ljósið skæra,
ljós sannasta, birting manna.
Það ljósið mest í myrkrum lýsir,
myrkur engin það höndlað fengu.
4.
Sá var maður sendur af Guði,
sannlega veit eg að Jóhannes heitir.
Hann varð að koma til vitnisburðar,
að vitni bæri af ljósi skæru.
5.
Um það vottar allt með réttu,
en ei var hann það ljósið sanna
heldur svo fyr orð hans skyldum
hljóta trú og lengi njóta.
6.
Það sannast ljós til líknar mönnum
er lýsir þeim í öllum heimi.
Í heiminum var það hreint og skærast,
heimur og jörðin fyr það gjörðist.
7.
Heimurinn blindur, vafinn í vondu,
veit hann ei né þekkja leitar.
Sú tign kom til sinnar eignar,
sjálfs hans menn meðtóku ei þennan.
8.
En svo margir af múga mörgum,
sem meðtóku hann og við það gleðjast,
þeim gaf hann þá dýrð Guðs börnum að verða
sem á guðdóms nafn hans treysta jafnan.
9.
Hvörjir að ei af blandi blóða
né blindri líking holdsins syndar
eður af karlmanns freistnifullum
fátt skiljanda girndar vilja
10.
heldur þeir sem af hæstu mildi
himna smiðs að verða niðjar,
bornir af þeim besta kjarna
blessuðum herra Guði til þessa.
11.
Orðið var hold af mestri mildi,
meður oss dyggðugt síðan byggði.
Vér sáum hans dýrð og alla æru
sem eingetins Guðs sonarins hreina.
12.
Af föðurnum borinn, fullur náðar,
færir oss það ljósið skæra,
sannleiksorðið, svo að vér verðum
síðan Guðsbörn ef að vér tryðum.
13.
Um Jesúm þenna jarðteikn ljósa
Jóhannes gjörir og vottar þennan:
Hann er sá eg sýni að sönnu
og sagði maður kæmi að bragði
14.
eftir mig með æðra krafti
sem áður var fyrr en eg til ráða.
Af hans náð og nægðar dyggðum
náð fáum allir fyrir hans náðir.
15.
Fyr Móysen, Guðs vin, lögmál leystist
en líf og náð fyr Jesúm tjáðist.
Um aldir hefur þó eins Guðs veldi
enginn maður að líta fengið.
16.
Sonur eingetinn föðurs í faðmi
oss fýsilega það undirvísar.
Honum sé lof fyr hæstar gáfur,
heiður og vald um allar aldir.