Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Ólöf Hallgrímsdóttir

Fyrsta ljóðlína:Hér sefur hvíldar-blund
Bragarháttur:Átta línur (tvíliður) þríkvætt ababcdcd
(o)
(o)
(o)
(o)
(o)
(o)
(o)
(o)
Viðm.ártal:≈ 1825
Tímasetning:1815
Flokkur:Eftirmæli

Skýringar

Skýringar í heimild:
„Ólöf Hallgrímsdóttir.
Kona Hallgríms prest[s] Thorlacíus Einarssonar í Miklagarði í Eyjafirði. Hún var dóttir Hallgríms prófasts Eldjárnssonar og andaðist 1815. Minningarljóð þessi eru prentuð hér eptir tveim handritum.
– – –
Hún var full trúar og góðra verka.
Lag: Upp hef eg augun mín.“
1.
Hér sefur hvíldar-blund
hægan sem Lazarus,
ypparligt eðalsprund,
Ólöf Thorlacíus.
Velæruverðugan
við sorgar djúpa tjörn
eftir lét ektamann
og fjögur hjartkær börn.
2.
Nítjándu aldar á
ári fimmtánda dó
lofsverður svanni sá,
við sextugs aldur þó.
Hún kvaddi harmabyggð
af hverjum manni syrgð,
en hennar ágæt dyggð
aldrei mun liggja byrgð.
3.
Kristindóms verðug verk
vitnuðu um hennar trú;
oft færði sig úr serk
svo nakinn klæddi frú;
hungruðum braut hún brauð,
brjóstgóð við hvern sem leið,
við jarðar ófest auð
eftir himneskum beið.
4.
Lífið hjá leiði býr
þó líkið sofi vært
uns dagur Drottins nýr
duftið uppvekur skært.
Sálin í sælli ró
sannhólpin bíður þess.
Víf lifði Drottni, dó,
og dýrðar erfði sess.