Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Gátuvísur [og] Andsvar hér uppá

Fyrsta ljóðlína:Því skulu þegnar hljóðir
Bragarháttur:Sjö línur (tvíliður) þríkvætt AbAbOcc
(o)
(o)
(o)
(o)
(o)
(o)
(o)
Viðm.ártal:≈ 1600
Tímasetning:1612
1.
Því skulu þegnar hljóðir
og þýðra kvenna val,
hefji höldar fróðir
heldur spektartal.
Eg læt ei lýðum lengi
luktar visku dyr;
þér leysið úr því eg spyr.
2.
Hvört er það dýr í heimi,
harla fagurt að sjá,
skýrt með skrauti og seimi,
eg skreyti þar ekki frá.
Á morgna með fjórum fótum
það fær sér víða fleytt
en gár þó ekki greitt.
3.
Þá sól hefur seinna gengið
í sjálfan hádegis stað,
tvo hefur fætur fengið,
frábært dýrið það,
gjörir um grundir að renna,
geysi hart og fljótt,
því fram ber furðu skjótt.
4.
Þegar sólin sest í æginn
og sína birtu ei ber,
þá dregur á enda daginn,
dýrið geyst ei fer.
Förlast því að flestu,
fætur ber það þrjá
og þrammar þunglega þá.
Andsvar hér upp á.
1.
Glöggt vil eg andsvar greina
góðum vinum til.
Mun þó mærðin seina
misjafnt gjöra á skil.
Þó munu leysa úr þessu
þeim sem veitir létt
og greiða gátuna rétt.
2.
Brátt gjörir barn að kenna
beint við dýrið eitt.
Það vill víða renna,
þá veitir því ekki greitt,
hefur það fætur fjóra
og ferðast hnjánum á,
hjálpa og hendur þá.
3.
Mannsins ævin miðja,
hún merkir hádegisstað,
þá giftan gjörir að styðja,
greinir í kvæði það.
Á fríðum fótum tveimur
ferðast menn vítt um heim,
sér afla auð og seim.
4.
Inni eg auðar Baldri,
þeim efndi viskuhjól,
hnígur að efra aldri,
þá í æginn gengur sól.
Þá tekur hann staf svo stóran,
svo styðst hinn gamli mann,
þá fjölgar fótum hann.
5.
Hér skal lykta og lenda
Loðins horna vín,
þá ævin manns er á enda,
úti er mærðin mín.
Nær ellin á vill stríða
og æskan hverfur brátt,
þá minnkar allan mátt.