Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Ágrip hins heilaga Katekismi eður Innihald kristilegra fræða

Fyrsta ljóðlína:Elska Guð, ei skaltu sverja
Viðm.ártal:≈ 1600

Skýringar

Fyrsta erindið er sér um bragarhátt.
Með lag: Tunga mín af hjarta hljóði
1.
Elska Guð, ei skaltu sverja
helga dagana halt vel þá.
Foreldra skulu firðar heiðra,
forðast mann í hel að slá.
Flý hór, stuld og fals að bera,
góss annars þú girnst ei á.
Credó
2.
Á einn Guð trúi eg almáttugan,
allra skepna skaparann,
og á hans soninn elskulegan
sem aftur keypti kvinnu og mann,
og anda helgan eilíflegan
sem aumum besta huggun fann.
Faðir vor
3.
Vors föðurs nafnið helgist hreina
hjá oss blífi ríkið þitt,
óskum vér þinn viljann eina,
veit oss brauð og gef oss kvitt,
í freistni innleið oss ei neina,
við illu öllu oss sé fritt.
Skírnin
4.
Skírnar skraut, sú gáfan góða,
sem gaf oss ljúfur lausnarinn,
lífs má kallast laugin þjóða
sem leiðir allar þjóðir í fögnuðinn.
Þrenning dýrust, það vil eg ljóða,
þrennan sýndi kraftinn sinn.
Kveldmáltíðin
5.
Kvöldmáltíðar gáfu glæsta
græðarinn sjálfur innsetti,
sitt hold og blóð með heiðurinn æðsta
hefur gefið til fæðu sé,
að sálin fengi saðning stærsta,
synd sé týnd en lausn í té.
Kvöldbæn
6.
Eg bið þig, hæstur himna stýri,
fyr hjartanlega soninn þinn,
geym þú mig nú, gæsku skíri,
góður í nótt sem daginn hinn.
Þinn engil send mér, Drottinn dýri,
til dugnaðar í hvört eitt sinn.
Morgunbæn
7.
Sem í nótt mig nægðar stærsti
nákvæmlega varðveittir,
eins í dag, minn herra hæsti,
hjálpa bið eg þú vildir mér.
Einn og þrennur allra æðsti,
eilíflega lof sé þér.