Guðspjallasálmar Einars í Eydölum 31

(Jóh. 13.1–15)
Faðirinn, fullur náðar,
fætur þvær með ljúflæti,
á bræðrum, búinn við dauða,
ber og líndúki þerrar;
það svo fyrir þeim þýðir:
Þér skuluð, segir hann, vera
góðir, unna hvör öðrum,
innbyrðis mín minnast.

Grátandi bið eg vér gætum
að góðmennsku vors bróðurs:
Brauð og vín fyrst til fæðu
fær þeim og hvað væri
hold og blóð sitt að héldu
hreina trú og rétt meina;
sem þénari hér nú þjónar
með þvotti þínum vor Drottinn.