Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Nú er oss fæddur Jesú Christ

Fyrsta ljóðlína:Frelsarinn er oss fæddur nú
Heimild:Sálmabók Guðbrands (1589) bls.xiijr-v
Bragarháttur:Sex línur (tvíliður) fer- og tvíkvætt aaabbb
(o)
(o)
(o)
(o)
(o)
(o)
Viðm.ártal:≈ 1575
Flokkur:Sálmar

Skýringar

Sálmurinn er danskur, „Nu er födt os Jesus Christ“ og var hann í sálmabók Cl Mortensöns og lengi eftir það í dönskum sálmabókum. Hann var einnig prentaður í sb 1619, bl. 13; grallara 1594 (messuupphaf á jóladag) og öllum gröllurum síðan og s-msb 1742. Lítils háttar orðalagsbreytingar frá sb 1589 eru í 1. og 2. erindi í grallara 1594 og héldust þær síðan.
Má syngja so sem Resonet in laudibus
1.
Frelsarinn er oss fæddur nú,
fróm móðir hans var jómfrú.
Af manns völdum ei vissi sú.
Í heim til vór
af himnum fór
sú heillin stór.
2.
Með oss er Guð Emanúel,
orðsending þá bar Gabríel,
um það vitnar Esekíel.
Guðs föðurs son,
gjöf lífs og vón,
vór gjörðist þjón.
3.
Orð Davíðs vel uppfyllast hér
og hvað skrifa spámennirner.
Kristur sá englakóngur er,
hvern fjármenn sjá
í jötu lá
ein manneskja.
4.
Herrann ofan af himnum sté,
herjaði eftir mannkyne.
Því vill hann kvitt af syndum sé
sál hvers eins manns
og hólpin til sanns
með miskunn hans.
5.
Föllum nú til fóta Krist
sem fæddist oss til lausnar víst,
fékk oss á himnum frið og vist.
Syngi hans hjörð
honum lof og dýrð
og þakkargjörð.