Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Skilnaðarvers við erfidrykkju

Fyrsta ljóðlína:Svo stöndum upp, og segjum lokið
Bragarháttur:Sex línur (tvíliður) ferkvætt AbAbcc
(o)
(o)
(o)
(o)
(o)
(o)
Viðm.ártal:≈ 1800
Flokkur:Bænir og vers

Skýringar

Fyrirsögn:
„Skilnaðarvers
við erfidrykkju.
Eptir tveim handritum.
Lag: Hverr sem ljúfan guð lætur ráða.“
1.
Svo stöndum upp, og segjum lokið
samkvæmi þessu nú í dag!
nær andláts myrkur af er rokið,
annað byrjast í sælum hag.
Mæðusöm heyrast mun ei þar
minning dauða né skilnaðar.
2.
Látum oss glaða þar til þreyja!
það verður kannske ekki langt.
Þeim, sem oss lætur lifa’ og deyja,
lofsyngjum fyrir blítt og strangt!
Hér til knýjendur höfum höfum strax
harm og meðlæti þessa dags.
3.
Yður heim leiði, gestir góðir,
Guðs föðurs öflug náðarhönd!
Jesús, vor allra besti bróðir,
breiði sinn faðm yfir líf og önd!
Andinn heilagi yfir sé
í lífi og dauða fylgjandi!
4.
Reyn þú oss, Guð! en reiðst aldregi,
reyrinn brothætta slá með vægð!
Á sóttar, harms og dauða degi
dreyra-lind Jesú sé vor hægð!
Leið þú oss inn um lífsins port
ljóss í arfskipti þitt og vort!