A 03 - Einn sálmur af Credo

Trúarjátningarsálmur Lúthers, Wir glauben all an einen Gott, birtist fyrst 1524 við lag frá því um 1400. Varð sálmurinn fastur liður í guðsþjónustum lútherskra og er að finna í öllum íslenskum sálmabókum allt til þessa. Þýðing Marteins biskups virðist taka mið af þýðingu Claus Mortensen í Sálmabók hans frá 1528. Gísli biskup er með aðra þýðingu í Sálmabók sinni, Vér trúum allir saman á einn Guð, nr. 5 í bók hans.  Í Sálmabók 1589 (nr 127) og Graduale 1594 er önnur þýðing á sálminum greinilega   MEIRA ↲

Trúarjátningarsálmur Lúthers, Wir glauben all an einen Gott, birtist fyrst 1524 við lag frá því um 1400. Varð sálmurinn fastur liður í guðsþjónustum lútherskra og er að finna í öllum íslenskum sálmabókum allt til þessa. Þýðing Marteins biskups virðist taka mið af þýðingu Claus Mortensen í Sálmabók hans frá 1528. Gísli biskup er með aðra þýðingu í Sálmabók sinni, Vér trúum allir saman á einn Guð, nr. 5 í bók hans.  Í Sálmabók 1589 (nr 127) og Graduale 1594 er önnur þýðing á sálminum greinilega úr frummálinu, sem helst síðan til þess er Magnús Stephensen birti sína eigin þýðingu í Sálmabók 1801. Í Sálmabók 1886 er sálmurinn í þýðingu séra Stefáns Thorarensen (1831–1892) og hefur svo haldist í sálmabókum síðan. Hann er nr. 283 í Sálmabók 2022.