Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Staðtölur

2520 ljóð
1813 lausavísur
615 höfundar
1085 bragarhættir
561 heimild

Bragi

Útgefandi:
Stofnun Árna Magnússonar í íslenskum fræðum.

Faglegur bakhjarl:
Óðfræðifélagið Boðn.

Ritstjóri:
Kristján Eiríksson.

Nýjustu skráningarnar


Vísa af handahófi

Eyða dáðum Ísafoldar þjóðar
þeir sem illu gefa grið.
Geymum betur okkar sið.
Sveinbjörn Beinteinsson

Bragarháttur af handahófi

o
o
o
o
o
Dæmi: Svipdags saga
Hann tók sig upp heiman, með tólf menn í fylgd
hann Svipdagur konungur Svía,
að Goðheimum leita um langræði bylgd –
öll lönd vóru könnuð, öll höf vóru sigld,
frá kveikingu morguns til kveldroða-skýja.
Þeir hvíldu sig aldrei, í fimm ára ferð
um Miðgarð frá enda til enda.
Og innundir regnbogann gata var gerð,
upp gnæfandi tinda við sjöstirnin kerfð,
þar norðljósa-blikurnar blysunum henda.
Þeir samfarar komu þó svo búnir heim,
né gátu þeir Goðheima fundið –
hann Svipdagur undi ei úrslitum þeim,
í aðra ferð bjóst hann um náttstjarna-geim,
og hugðist að kappsigla kveldmána-sundið.
Í þrönglendu ríki hans steindrangur stóð,
– sem hestasteinn gróinn í hlaði –
við alfara-braut fyrir útfara-þjóð.
Þeir Alsæll og Vesæll sér tróðu þá slóð –
þar hinkraði förin, sem hik sé að vaði.
Þá opnuðust snögglega óvæntar dyr,
í þilið á blágrýtis-bergi,
og út kom þar dauðinn, sem aldregi fyrr
til annars sig hafði en að þegja sig kyrr –
hann skreiddist fram, dulklæddur skuggsjá af dvergi.
Hann mælti til konungsins: „Marki er náð!
Kom, gakk þú í Goðheim hér inni!“
Hann Svipdagur hlýddi, og hafði það ráð,
og hvarf undir steininn, þess varð ekki gáð –
í átthögum létti hann leitinni sinni.
II.
En hafi þér gefist að gleymast frá þér
í verki, eða vel gerðri bögu,
og grípi þig frændsemi alls þess sem er,
þú opnaðir Goðheim og veizt hvernig fer:
og hugsar, á legsteinum, Svipdag í sögu.

Stephan G. Stephansson