Söfn

Íslenska
Bragi
2520 ljóð, 1813 lausavísur
Kópavogur
2 ljóð, 14 lausavísur
Mosfells­bær
45 ljóð, 89 lausavísur
Borgar­fjörður
13 ljóð, 122 lausavísur
Dalasýsla
1 ljóð, 3 lausavísur
Húnaflói
725 ljóð, 5807 lausavísur
Skaga­­fjörður
26 ljóð, 17556 lausavísur
Haraldur (Svarfdælir)
334 ljóð, 311 lausavísur
Þingeyjar­­sýslur
4 lausavísur
Árnes­sýsla
71 ljóð, 901 lausavísa
Vestmanna­eyjar
2 ljóð, 26 lausavísur
Nynorsk
Skalde-Brage
103 ljóð, 17 lausavísur
Esperanto
Poetika retejo
284 ljóð, 19 lausavísur

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Staðtölur

1085 bragarhættir
2520 ljóð
1813 lausavísur
615 höfundar
561 heimild

Bragi

Útgefandi:
Stofnun Árna Magnússonar í íslenskum fræðum.

Faglegur bakhjarl:
Óðfræðifélagið Boðn.

Ritstjóri:
Kristján Eiríksson.

Nýjustu skráningarnar


Vísa af handahófi

Látinn mann þótt harmir hér
hann ei til þín aftur fer,
gagnslaust honum en grandar þér,
að grátir meira en hóflegt er.
Jón Bjarnason (f. um 1560 – d. um 1633 eða litlu seinna)

Bragarháttur af handahófi

(o)
(o)
(o)
(o)
Dæmi: Kvæði af Rahab – Jósúe ij
Mig girnir þrátt að glepja hróp og eiða
en gamna þeim um æðri skemmtun beiða
og Guðs börnum gjöra mun öngvan leiða,
í græðarans brunni er lifanda vatn til reiða.
2. Biblía er sá brunnurinn spektar greina
sem best má heita lækning sálar meina;
Vil eg um Rahab vísu stofna eina
og vekja af svefni góða lærisveina.
3. Það ævintýr skal öllum þeim til góða
sem ást og hlýðni vilja Drottni bjóða;
Guð forsmár ei gæsku neinnra þjóða,
af góðri trú hann huggar sorgar móða.
4. Þá Jósúa stýrði eftir Mósis dauða
Ísraels lýð, sem fór um hafið rauða,
yfir Jórdan komst svo kenndi öngra nauða
á Kanaans land það heiðna gjörði blauða.
5. Jeríkó hét þar einhvör borg í landi
er Jósúa skyldi vinna fyrst með brandi;
tvo menn sendi á njósn þar nærverandi
í nefndan stað, þá Rahab firrti grandi.
6. Þeir njósnar menn sem nú var greint í óði
náðu byggð hjá þessu heiðna fljóði;
sú lausakona þeim lagði ráð í hljóði,
af lifandi trú því veittist henni góði.
7. Á húsaþakinu í hálmi báða faldi
heiðursmenn og þanninn fyrir þeim dvaldi,
birtir að æðra borgarlýðinn kvaldi,
bleyði og hræðslu allra þeirra taldi.
8. Staðarins menn þá stundu síðar leita
og strax að bragði eftirförina veita
og kómu í hús þar kvinnan býr hin teita,
sú komumanna þarvist gjörir að neita.
9. Þeir kómu hér inn í kvöld að vífið sagði,
þá kenndi eg ei né grand til þeirra lagði,
gengu í burtu greitt að skömmu bragði,
yfir gesta sinna erindi best hún þagði.
10. Þeir sem leita þaðan í burtu ganga,
þar næst víkur aftur lindin spanga
til njósnarmanna nú með ræðu langa,
nökkur laun vill fyrir sinn dugnað fanga.
11. Rahab talar af réttum spektar brunni,
röksamlega fyrir sér mæla kunni;
hún biður þeir friðar og frelsis henni unni
og fólki sínu rétt af hjartans grunni.
12. Veit eg, segir hún, vora borg og lýði
vinni þér til grunns með hörðu stríði;
af yður stendur ógn og hræðslu kvíði,
Ísraels Guð hefur verndað yður með prýði.
13. Hafið og Jórdan hann lét burtu þorna,
hræðileg undur Faraó beið til forna;
kónga unnuð kaska og tiginborna
því kvelur oss æðra bæði kvöld og morgna.
14. Því lætur hún sveina lofa með svarna eiða,
lífs og friðar vill sér af þeim beiða;
þá Jósúa lætur allt í staðnum deyða
út skulu þið mitt gjörvallt hyskið leiða.
15. Þessu játa þeir og eiðum festa
að það skuli ekki henni þurfa að bresta,
ef í þitt hús kallar þína ættmenn flesta
og þar með leynir einka málum gesta.
16. Hún renndi þeim með rauðri af múrnum festi
og ræddi svo við njósnarmenn að lesti:
Felist þið upp í fjallsins hlíð með nesti
fjóra daga svo eftirleitin bresti.
17. Þeir skilja til að skuli sú festin rauða
þeim skjallegt teikn svo það mætti ekki um trauða
ellegar væri hún völd að sjálfs síns dauða,
vildu þó hún kenndi öngra nauða.
18. Þeir hafa þau ráð sem lagði hin ljúfa kvinna,
að liðnum tíma Jósúa aftur finna,
heitorð sín og hennar spásögn inna,
hann muni borg og landið gjörvallt vinna.
19. Hertuginn bauð með hjartaprýði sanna
að halda tryggðir vel við ljúfan svanna;
herlið býr þá heim til borgarmanna,
hann mun Drottins fullting meira kanna.
20. Sjö daga lét hann lúðra Drottins þeyta
svo límið rann úr múr sem vatnið heita
og allir múrar ofan að jörðu leita
fyr almátt Guðs sem þvílíkt kann að veita.
20. Jeríkóborg var öll í Drottins banni
svo Jósúa hlífði öngvum lifandi manni
nema út var leiddur áður greindur svanni
með ættfólk sitt, það hafði hún lukt í ranni.
21. Þessi Rahab mæt á margar lundir
með Guðs fólki lifði allar stundir
þar til hittast hollir blíðu fundir,
heilagur andi bjó það gjörvallt undir.
22. Salma nefnist sæmdar maðurinn gildi
er son gat einn við ljúfri menja hildi
þann Bóas hét, í bestu herra gildi,
og bæði er leyfður af hjartans dyggð og mildi.
23. Bóas festi Rut, svo reynda brúði,
ríka að dyggð en snauða af gulli og skrúði;
gat við henni gæfumaðurinn prúði
einn göfugan son þann Drottni allvel trúði.
24. Sá arfi hans var Óbeð, faðir að Jessa,
ættkvísl fær ei neina æðri en þessa;
hún dregst til Krists sem diktar skáldið versa,
Drottinn gjörði oss sára allvel hressa.
25. Nú vara eg lýð við ljótu fjandans ráði,
sem lærdóm þennan blandar soddan háði,
fyrst Kristur sjálfur er kominn af slíku sáði
að kvenna girnd óleyfða fyrir það náði.
26. Margur djarfur dárinn þetta mælir
og dugandi menn fávísa þar með tælir:
Hórdóm frömdu höfuðfeðurnir sælir
og hrepptu getnað hvörjum Skriftin hælir.
27. Eg meina að þessir meir en illa þýði
þá miklu náð sem græðarinn veitti lýði;
Jesús kýs að allir til sín flýði,
yfirbót réttri gjörir hann mesta prýði.
28. Því skyldum allir skammast illra gjörða
og skoða þá smán sem tapaðir líða verða;
við yfirbót rétta orð Guðs trúna herða,
fyr örvænting hans miskunn ekki skerða.
29. Guð hefur oft af glæpamanna sáði
göfuga menn fram leitt sem vísan tjáði
svo að hinn aumi, sem þar rétt að gáði,
sjái þess náð sem himnum ræður og láði.
30. En synd má öngva sjálfur Drottinn hylla,
svíki oss aldrei þvílík skammar villa;
frelsarann bið eg föðursins reiði að stilla,
fyrirlát þú mér allt hvað gjörði eg illa.
31. Föður og syni og frægstum helgum anda
fyrr og síð sé lofgjörð allra handa;
Rahabs kvæði ritað má þanninn standa,
ráði fróðir, lagið að gömlum vanda.

Einar Sigurðsson í Eydölum