Farðu alltaf vel með vín

Farðu alltaf vel með vín
vertu aldrei nema hálfur.
Önnur væru örlög mín
ef eg kynni þetta sjálfur. Br. Björnsson

Eg fer alltaf vel með vín
verð því aldrei meira en hálfur.
Á því hef eg örlög mín
algerlega mótað sjálfur. Jón Bjarnason

Ég fer aldrei vel með vín
verð því alltaf meir en hálfur.
Af því ráðast örlög mín
á annan hátt en kýs ég sjálfur. Unndór Jónsson

Illa fer eg æ með vín
einatt drekk mig skruggufullan.
Á kvöldin segir konan mín
„Komstu í rúmið, erkibullan“. JÓP

Illa fer eg ei með vín
oft þó verði hálfur
samt er önnur ævin mín
en ég vildi sjálfur. SH

Gott er að fara vel með vín
og verða aldrei hálfur
en ævikjör og örlög sín
enginn mótar sjálfur. SH