1.
Lifnar hróður. Hugur senn
háttinn óðar leiki
finn ég gróðurilminn enn
undir Glóðafeyki.
2.
Út hjá Stóli, yfir völl
ísköld gjólan þýtur.
En hér í skjóli, há við fjöll
hlýju sólar nýtur.
3.
Fossinn hló í fjallaþröng
fagnar gróðurjörðin.
Hljóðlát lóa heiðurssöng
hóf um móabörðin.
4.
Hann, sem kvíða og harmi á svig
hnekkir í stríði þjóða
blessi lýð og blessi þig
blessuð Hlíðin góða.
1951
