Sölvi Helgason málverk myndar

Sigurður Sigurðarson dýralæknir (f. 2. október 1939 á Sigurðarstöðum í Bárðardal) skráði vísuna eftir Alberti Guðmannssyni frá Snæringsstöðum í Svínadal, líklega um 1970. Albert sagði vísuna hafa fundist á bréfi milli þils og veggja þegar gamla baðstofan á Snæringsstöðum var endurbyggð og sagði að þá hefði rifjast upp fyrir fólkinu á bænum að Sölvi hefði eitt sinn komið þar í heimsókn og einhverjir könnuðust við vísuna. Var talið líklegt að hún væri eftir Sölva sjálfan.