Vetrarþilju hjaðnar hem

Yrkisefni húsgangahöfunda munu úr ýmsum áttum. Þar blasa við líf og
dauði, æska og elli, ást og hatur, sorg og gleði, fegurð og fánýti, sæmd og
svívirða, von og vonleysi. Það er því fleira en veðrið eitt sem alþýðuhagmælskan
hefur að leiksoppi. En því er ekki að neita að oft er veðurfarið viðfangsefni
hennar og ekki að raunalausu. Húsmóðir heilsar vorinu á þessa leið:

Vorið skartar, víst mér hjá
væri ei margt úr skorðum
ef að hjartað ætti þrá
allt eins bjarta og forðum.

Útmánaðaþeyrinn   MEIRA ↲

Yrkisefni húsgangahöfunda munu úr ýmsum áttum. Þar blasa við líf og
dauði, æska og elli, ást og hatur, sorg og gleði, fegurð og fánýti, sæmd og
svívirða, von og vonleysi. Það er því fleira en veðrið eitt sem alþýðuhagmælskan
hefur að leiksoppi. En því er ekki að neita að oft er veðurfarið viðfangsefni
hennar og ekki að raunalausu. Húsmóðir heilsar vorinu á þessa leið:

Vorið skartar, víst mér hjá
væri ei margt úr skorðum
ef að hjartað ætti þrá
allt eins bjarta og forðum.

Útmánaðaþeyrinn vekur þessa:
Þrautaleiðum þokar fjær
þýða er greið í spori,
mundi seiða svona blær
sál til heiða að vori.

Og víst hefur vorið kvatt dyra þegar þessi staka fæddist:
Vetrarþilju hjaðnar hem
hljóðnar byljastrengur,
sér í iljar öllu sem
andstætt vilja gengur.

Úr útvarpsþætti Guðm. Jósafatssonar: Húnvetnskir húsgangar:
http://timarit.is/files/35403397.pdf#navpanes=1&view=FitH   ↑ MINNA