Jakob minn ég þekki þig

Helga kom inn í búð til Jakobs Havsteen kaupmanns á Akureyri og vildi fá úttekt í búðinni, en Havsteen tók því ekki greiðlega. Á Helga þá að hafa kveðið vísuna. Helga þótti vergjörn í meira lagi og Havsteen talinn nokkuð vífinn og er sagt, að hann hafi átt vingott við hana. Brá honum svo við vísuna, að hann skipaði þjónum sínum að láta Helgu hafa það er hún beiddist en gekk sjálfur burt.