Hirtu þína hesta greitt

Höf. Guðlaugur Guðmundsson segir: Vor eitt var Agnes lánuð á annan bæ til þess að vaka þar yfir vellinum. Hún mun þá hafa verið 10 ára gömul. . . . Reiðin ólgaði í henni er hún spratt á fætur og þaut að harða spretta að tjaldinu, lyfti tjaldskörinni og sagði hátt og skipandi:
Hirtu þína hesta greitt
heimskur ferða dausinn.
Maðurinn í tjaldinu vaknaði við vondan draum, reis upp og horfði á stúlkuna, sem skalf af reiði eins og norn í hefndarhug og svaraði samstundis:
Einhvern tíma öxin beitt
af þér sníður hausinn.
Maður þessi hét Jóhann og var kallaður gellir. Hann var hagmæltur vel en kunnur fyrir flakk.